Сұрақ-жауап

  • Сұрақ №: 15410
    Дата: 03.04.2015 21:25:49
    Аты-жөні: Турманов Держан
    Сұрақ:
    Есіл станциясында жүк тасымалдау жөніндегі оператор болып қызмет істейтін, балам, Ажиғалиева Назерке Держанқызы, 2015 жылдың қаңтар айынан бастап бугінгі күнге дейін еңбек ақысын ала алмай отыр. Осы сұраққа жауап беруіңізді сұраймын.
    Жауап күні:
    2015-04-10
    Жауап:
    Держан Абжанович туындаған сұрақтың шешілуіне қатысты сізге Ақмола облыстық Еңбек Инспекциясының Басқармасына : Көкшетау қ. Ақан Сері көшесі.111 «а», тел./факс 8(7162)25-04-45 эл.адрес trud-akmola@mail.ru немесе Ақмола көлік прокуратурасына : Астана қ. Орынбор көшесі ,14, тел./факс 8 (7172) 71-22-18 жүгіну қажет.
  • Сұрақ №: 14093
    Дата: 03.02.2015 20:41:07
    Аты-жөні: Қойлюбаев Қанат
    Сұрақ:
    Құрметті Данияр Сулейменұлы! Сізге көп қабатты пәтер иелерінің атынан, Ақмол ауылында жұмыс атқарып жатқан КСК "Вильма -2"-ға қатысты шағымданып жатырмын. Аталған ұйым көп жылдан бері заңсыз қызмет атқарып келеді. Тұрғын үй қатынастары туралы Қазақстан Республикасының 1997 жылғы 16 сәуiрдегi N 94 Заңының 43 бабына сәйкес Көп пәтерлi тұрғын үйді күтіп ұстау үшiн пәтерлер иелерiнiң кооперативтерi құрылған болатын. Кооператив осы күнге дейін пәтер иелерін алдап, олармен тек үй асты подвалын күтіп ұстаймыз деп жеке келісім-шат жасасып келеді. Пәтер иелері Кооперативке бірнеше рет заңға сәйкес Кондоминиум құру керектігін айтқан. Бірақ кооператив бұл ұсыныстан бас тартып жатыр. Тұрғын үй қатынастары заңның 44 бабының 4 және 6 тармақтарына сәйкес Кооператив құрылаған сәтте тіркеуші органға "кондоминиумды тiркеу немесе қайта тіркеу туралы мемлекеттiк акт" ұсыну қажет, егер белгіленген тәртіб бұзылған үй-жайлар (пәтерлер) меншiк иелерiнiң кооперативiн тіркеуден бас тартылуға тиіс. Біз түсінбей отырмыз қалайша аталған кооператив пәтер иелерімен кондоминиум жасаспай мемлекеттік тіркеуден өтіп отыр. Жоғарыда айтылғандарды ескере отырып, аталған кооперативтің заңсыз қызметіне аралысуыңызды сұраймыз.
    Жауап күні:
    2015-02-05
    Жауап:
    Ответ Койлюбаеву Целиноград ауданының прокуратурасымен Қазақстан Республикасының Бас прокуратурасы блогына келіп түскен өтінішіңіз қарастырылды. 16.04.2014 жылғы Қазақстан Республикасы «Тұрғын үй қатынастары» заңының (бұдан әрі - Заң) 2-бабы 48-тармағына сәйкес үй-жайлар (пәтерлер) меншік иелерінің кооперативі - кондоминиум объектісінің ортақ мүлкін бірлесіп басқаруы үшін үй-жайлардың (пәтерлердің) меншік иелері құратын коммерциялық емес ұйым екеніне түсіндірме береміз. Егер кондоминиум объектісін басқаруды жүзеге асыратын тұлғалардың, сондай-ақ тұрғын үйдің (тұрғын ғимараттың) ортақ мүлкін күтіп-ұстау және пайдалану жөніндегі міндеттерін орындамайтын немесе тиісінше орындамайтын үй-жайлардың (пәтерлердің) жекелеген меншік иелерінің өз міндеттерін орындамауы немесе тиісінше орындамауы салдарынан үй-жайлардың (пәтерлердің) меншік иелеріне шығын келтірілсе, осы тұлғалар Қазақстан Республикасының азаматтық заңнамасына сәйкес шығындарды өтеуге міндетті. (Заңның 42-бабы, 9-тармағы) Заңның 42-1 бабы 1-тармағына сәйкес үй-жайлардың (пәтерлердің) меншік иелерінің жиналыстарында кондоминиум объектісін басқаруға және күтіп-ұстауға байланысты мәселелер бойынша шешімдер қаралады және қабылданады. Осылайша, ортақ меншік кондоминиум объектісін таза ұстау және басқаруға жиналатын жарна мөлшерін, сонымен қатар күрделі жөндеу жүргізуге шығын сметасын бекіту мәселесі міндетті түрде (пәтерлердің) меншік иелерінің жалпы жиналысында қарастырылады және мақұлданады. Жоғарыдағыларды ескере отырып Сізге кондоминиум объектілерін басқару нысанын таңдау немесе өзгерту мәселесін (пәтерлердің) меншік иелерінің жалпы жиналысында шешуге кеңес береміз.
  • Сұрақ №: 10108
    Дата: 04.08.2014 10:34:36
    Аты-жөні: Альмагамбетова Айзат
    Сұрақ:
    Сәлеметсіз бе! Мен Альмагамбетова Айзат Кошкарбаевна,28,01,1972 жылы туған, Қостанай облысы,Аманкелді ауданы,Аманкелді селосы Божманов көшесі 1-үй 2-пәтер тұрғыны. Сізден сұрарым Ақмола облысы Жарқайың аудандық сотының 03.12.2013 жылы шыққан сот бұйрығы негізінде 25.12.2013 жылы Ақмола облысының Жарқайың аудандық соты. Жарқайың аумақтық бөлімінің аға сот орындаушысы Абильжанов Руслан Жанаровичке менің атыма жауапкер Гегомян Сергей Рафиковичтен берешек соманы өндіру туралы талап арызы негізінде 03.12.2013 жылы қабылданған сот бұйрығының көшірмесін орындау үшін жолдады. Алайда қанша уақыт өтседе заң талаптары әлі күнге дейін орындалмай отыр.Бүгін 04.08.2013 жылға дейін ешқандай шара қолданылмады. Мен бірнеше рет сот орындаушысына хабарластым, ешқандай іс-шара атқарылған жоқ. Сізден сұрарым заң негізінде сот бүйрығының орындалуына қатаң бақылау жасап,көмек көрсетуіңізді сұраймын.
    Жауап күні:
    2014-08-12
    Жауап:
    Құрметті Альмагамбетова Айзат Кошкарбаевна! Сіздің Қазақстан Республикасы Бас прокуратурасының порталына борышкер С.Гегомянға қатысты сот шешімінің ұзақ уақыт бойы орындалмағаны туралы түскен өтінішіңіз Жарқайың аудандық прокуратурасы қарады.Сіздің өтінішіңіз бойынша тексеріс барысында Жарқайың аудандық аумақтық сот шешімін орындау бөлімі қызметкерлері жағынан 09.01.2014 года № 1017 атқарушылық іс жүргізуді атқару кезінде қолданыстағы заңнамалардың бұзылғаны анықталды.Осыған байланысты аудандық прокуратурасымен Жарқайың аудандық аумақтық сот шешімін орындау бөлімінің аға сот орындаушысы бөлімінің басшысы атына 11.08.2014 жылы С.Р.Гегомяннан қарыз соммасын тезірек алу үшін осы атқарушылық іс жүргізу бойынша қабылданған нақты шаралар және заңның бұзушылықтарды қалпына келтіру туралы ұсыныс жіберілді. Жарқайын аудандық прокуратурасы.
  • Сұрақ №: 8774
    Дата: 27.05.2014 17:46:28
    Аты-жөні: Биназаров Бедильхан
    Сұрақ:
    Құрметті, Мұратбек Құсайынұлы, келіншегім Бекторазова Динара аягы ауыр болып жүріп Ақмола облысы, Аршалы аудандык ауруханасына ауыр жағдайда түсті. Алайда бір апта бойы қан кеткен жолдасыма тиісті ем-домын жасамаған дәрігерлер тек дарілер беріп, бір аптадан соң шығару қағазын берген. Жолдасым өзін жайсыз сезініп тұрғанын, қан кетуі тоқтамай тұрғанын айтқанымен, аурухана дәрігерлері оның қарсыласқанына қарамастан ауруханадан шығарып жіберді. Бірақ, ауруханадағы УЗИ құрылғысынын біраз уақыттан бері істен шығып тұрғанына қарамастан шығару қағазында "УЗИ қорытындысы бойынша барлығы жақсы" деп көрсетіп, мөр басқан. Сол күні жолдасымды Астана қаласындағы ақылы медициналық орталықта УЗИ-ге түсіргенде алты апталық баланын өліп қалғанын көрсетті. Орталықтың дәрігерлері қан кету тағы бір-екі күнге созылғанда жатырдын өзін алып тастауға тура келетінін айтты. Ендігі жерде келіншегім 5-6 жыл бала көтеруге болмайды және бірнеше жыл емделуге тура келіп отыр. Сондықтан, өз ісіне салғырттық танытып, науқастармен жүрдім-бардым қарап, жалғандыққа жол беріп адам өмірімен ойнаған аудандық аурухана дәрігері Олеся Анатолиқызы мен бас дәрігер Сембиев Сәндібек заң алдында әділ жауап беруіне ықпал етуіңізді сұраймын. Үш ай ішінде әділдік іздеп бармаған жерім, баспаған тауым қалмады. Аудандық ІІБ мен аудандык прокуратурага барып арыз жаздым. Алайда әлі күнге дейін жауап жоқ. Бүгін менің басымнан өткен қиындық ертең басқалардың да басынан өтпес үшін өз ісіне жүрдім-бардым қарайтын дәрігердің заң бойынша қызметінен босатылуын сұраймын.
    Жауап күні:
    2014-07-08
    Жауап:
    Сіздің облыс прокурорының блогына келіп түскен сұрағыңыз қаралды. Сіздің алдыңғы келіп түскен арызыңыды қарау аясында Аршалы аудандық ауруханасының медицина қызметкерлері кәсіби міндеттерін тиісінше орындамағаны үшін Қазақстан Республикасының Қылмыстық Кодексінің 114 бабының 1 бөлімі бойынша қылмыстық іс қозғалғаны анықталды. Қылмыстық іс материалдары бойынша Аршалы ауданынының ішкі істер бөлімімен Қазақстан Республикасының Қылмыстық іс жүргізу Кодексінің 240 бабына сәйкес комиссиялық сот–медициналық сараптама тағайындалды. Қылмыстық іс бойынша шешім сот–медициналық сараптама қорытындысын ескере отырып қабылданатын болады.
  • Сұрақ №: 8181
    Дата: 28.04.2014 20:57:17
    Аты-жөні: Текен Бахытбек
    Сұрақ:
    Сәлеметсізбе! Мен 2014-жылдың Сәуірдің 23-інде түскен жалақымды ала алмай отырмын. Белгісіз себептермен Халық банкіндегі счетымдағы ақшамды белгісіз банк өздеріне аударып алған. Ол банк алдын ала ескуртуде жасаған жоқ! Жалақысыз отырмын, ме көп балалы анамын. Не істеуім керек? Жалақымды қайтарып беруге көмектесіңізші!!!
    Жауап күні:
    2014-05-30
    Жауап:
    Б.Текенге Облыс прокуратурасымен Сіздің жалақы алмау туралы өтінішіңіз қаралды. Сіздің өтінішіңізде банктің орналасқан жері (қала, аудан, кент), сондай-ақ Сіздің мекенжайыңыз және байланыс телефоны көрсетілмеген. Осыған байланысты, Сіздің өтінішіңіз бойынша тексеру іс-шараларын жүргізу үшін жоғарыда көрсетілген мәліметтерді көрсету қажет. Сондай-ақ, «Жеке және заңды тұлғалардың өтініштерін қарау тәртібі туралы» Қазақстан Республикасы Заңының 7-бабына сәйкес, жеке және заңды тұлғалардың жалпыға қолжетімді ақпараттық жүйелер арқылы келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес түскен өтініштері осы Заңда белгіленген тәртіппен қаралуға тиіс. Сондықтан, өтініш авторының шынайылығын анықтау мүмкін болмағандықтан, ресми сайтта прокурорға жолданған мәселе жеке және заңды тұлғалардың өтініштерін қарау тәртібін реттейтін заңнама талаптарына сәйкес ресми өтініш ретінде қаралмайды. Прокуратураның сайтына орналастырылған мәселелерге, түсіндіру сипатындағы ақпараттар беріледі. Электрондық цифрлық қолтаңба алу мәселесі бойынша ХҚО (халыққа қызмет көрсету орталығы) жүгіну қажет. Облыс прокуратурасы Басқарма бастығының м.а. Е.Жүнісов

Беттер