Ақмола облысының прокурорлары жастарды жұмысқа орналастыру үшін бөлінген бюджет қаражаттарын ұрлаудың қылмыстық схемасын ашты

21 қаңтар 2020 Версия для печатиВерсия для печатиPDFPDF

Облыс прокуратурасы жастар саясаты басқармасын тексеру барысында жастардың жұмыспен қамтуға және орналастыруға бөлінген бюджет қаражаттарын жымқыру фактілерін анықтады.

Басқарманың бұрынғы маманы жалған құжаттар арқылы студенттерді жастар ұйымдарына, олардың басшыларымен достық қарым-қатынаста болып, формальды түрде жұмысқа орналастырған.

Алаяқтық әрекеттердің нәтижесінде 1 миллион 400 мың теңгеден астам ақша ұрланған.

Көкшетау қалалық сотының үкімімен бұрынғы мемлекеттік қызметші Қылмыстық кодекстің 190-бабы бойынша сотталып, оған он еселік мөлшерде - 14 миллион теңгеден астам айыппұл салынды.

Сол үкімімен жастар қоғамдық бірлестіктерінің бұрыңғы үш жетекшісі 2 жылға бас бостандығынан айырылды.

Үкім заңды күшіне енді.

Бұл бағыттағы жұмыс жалғасатын болады.

 

Ақмола облысы прокуратурасының баспасөз қызметі

 

Пікірлер

Жаңа пікірді жазу